ION

Irakasle Funtzioan ikasi eta barneratu ditudan aspektuen autoebaluazioa egingo dut hurrengo parrafoetan:

         Oso lauhilabeteko interesgarria eta aberasgarria izan da, ia konturatu gabe dezente lan egin ditugulako, irakasle bati egindako elkarrizketa, hausnarketak, diigon eta bloggerrean jarritako artikuluak,ikusitako pelikulak eta batez ere taldekideekin egindako lan eta hausnarketan oso aberasgarriak izan dira.

         Onartu beharra dut lehenengo hausnarketak ez zirela guztiz benetakoak, hau da, lana egin behar zelako egiten nuen, adibidez ikusitako pelikulari garrantzia eman gabe. Baina hurrengo hausnarketako benetakoak izan ziren, pelikula ikusita irakasle horren azalean jarri nintzelako eta nik zer egingo nukeen pentsatzen hasi nintzelako, egoera horrek oso soluzio zaila zuela konturatuz. Horrela ba, “Etre et avoir” eta “La educacion prohibida” ikusi genituen, eta irakasleaz nuen ikuspuntua aldatu egin zen pixkanaka, ez bi pelikula hauengatik bakarrik, izan ere beste arloetan ere hezkuntzari buruzko pelikula eta dokumentalak ikusi genituelako, eta pelikula guzti horiek ikusirik nire ikuspuntua aldatu egin zen.

         Arlo honetan hasi nintzenean ez nintzen batere ona ordenagailuetako tresnekin eta diigo eta blogga egin genuenean pentsatu nuen zeharo galduta ibiliko nintzela, baina pixkanaka nola erabiltzen diren ikastean joan naiz eta zure informazioa partekatzeko oso modu ona dela iruditzen zait. Egia esan diigo ez dut asko erabili, hezkuntzari buruzko berri bati buruz hausnarketa egiten nuenean bloggerrera igotzen nuelako, beraz, alde horretatik, diigo pixka bat bazterturik utzi dut. Baita ere, Cmap Tools hasi naiz erabiltzen azken ateotan, pare bat kontzeptu-mapa egin behar genituelako eta hasieran kosta egiten zitzaidan baino orain ondo moldatzen naiz programa horrekin ere eta nik uste dut azterketak prestatzeko oso egokia dela, informazioa barneratzeko oso egokia delako.

         Bestalde, adimen anitzak gaia ere landu genuen era sakon batean. Talde bakoitzak gai bat aukeratu behar zuen, eta guk adimen anitzena aukeratu genuen, egia esan behar badut ez nuen sekula entzun baina informazioa bilatzen hastean oso gai interesgarria iruditu zitzaidan. Bakoitzak bere murala egin zuen honi buruz eta gero talde txikitan jarririk gaia beste klase-kide batzuei azaldu nien. Nahiz eta jasotako iritziak ez guztiz onak izan nire ustez gaia era garbi eta zuzen batean azaldu nuen.

         Egin genuen beste lan bat irakasle bati elkarrizketa izan zen, eta nire ustez lan interesgarriena hau izan zen. Esperientzia zuen irakasle bati bere kontakizunak entzutea oso aberasgarria izan zen, benetan konturatu nintzen zein zen irakasle baten lana eta nola erantzunak diren egokienak egoera zail batzuen aurrean. Oso elkarrizketa sakona izan zen, momentu batean nituen galderak alde batera utzi eta berarekin solasean aritu nintzen, esan zidan aspektu batek harritu egin ninduelako.

 Talde-lana ere baloratu behar dela iruditzen zait, izan ere oso garrantzitsua da lanak egiterako orduan. Egia da, talde guztietan bezala, beti dagoela norbait besteak baino lan gehiago egiten duena, baina nire ustez gure taldean lana nahiko ondo egon da banatua. Garrantzitsuena talde batean giro ona eta liskar gutxi egotea da eta nik uste dut hori lortu dugula. Bate-batek ez baldin bazekien zerbait bere lanari buruz beste batek laguntzen zuen eta alderantziz, bakoitza abilena zen terrenoan jarri dugu eta horrela lanek ondo funtzionatu dute.